თარიღი: 2025-03-31 - 2025-04-04

31 მარტიდან 4 აპრილის ჩათვლით სამცხე-ჯავახეთის რეგიონში, ხალციხის საკონსულტაციო ცენტრში მცირე და საშუალო ბიზნესის წარმომადგენლებისთვის გაიმართება ტრენინგი ფინანსებისა და ბუღალტერიის მიმართულებით.

ტრენინგი მოიცავს ისეთ საკითხებს, როგორიცაა: ფინანსური ანგარიშგების მიზანი, სტრუქტურა და ფორმატი, ბიუჯეტირების ძირითადი მიდგომები, ფინანსური ინდიკატორები, შემოსავლის და მოგების პროგნოზირება და თანხის მოზიდვა ბიზნესისთვის. დეტალური ინფორმაციისთვის შეგიძლიათ იხილოთ ტრენინგის სილაბუსი.

ტრენინგი სრულად ფინანსდება "აწარმოე საქათველოში" სააგენტოს მიერ.

ღონისძიებაზე დარეგისტრირება შეუძლია მეწარმეთა და არასამეწარმეო იურიდიულ პირთა რეესტრში რეგისტრირებულ ნებისმიერ პირს, რომელიც აკმაყოფილებს ტრენინგზე დასწრების კრიტერიუმებს. 

ტრენინგს გაუძღვება ბიდიო აკადემიის ტრენერი - მარიამ ბექაური.

ტრენინგი განკუთვნილია კომპანიის ფინანსურ, საბუღალტრო ან/და საგადასახადო საქმიანობაზე პასუხისმგებელი პირებისთვის.

დასწრების სურვილის შემთხვევაში, დარეგისტრირდით ვებ გვერდზე  26 მარტის ჩათვლით, გაიარეთ ავტორიზაცია და შეავსეთ სარეგისტრაციო ფორმა თქვენი პირადი კაბინეტიდან.  

ღონისძიებაზე დარეგისტრირების მოთხოვნა შეფასდება წინასწარ დადგენილი შეფასების კრიტერიუმების შესაბამისად. თქვენი განაცხადის დაკმაყოფილების შემთხვევაში, რეგისტრაციის ვადის დასრულების შემდეგ, დაგიკავშირდებათ სამცხე-ჯავახეთის საკონსულტაციო ცენტრის თანამშრომელი.

ტრენინგზე დასასწრებად შეირჩევა 15 მონაწილე. ერთი კომპანიიდან შესაძლებელია მაქსიმუმ სამი პირის მონაწილეობა.

დამატებითი ინფორმაციისთვის მიმართეთ რეგიონულ საკონსულტაციო ცენტრს, მის: ახალციხე, რუსთაველის N50, ან დარეკეთ ცხელ ხაზზე 15 25.

მიმაგრებული ფაილები

დამსწრე პირთა კრიტერიუმები
შეფასების კრიტერიუმები
სილაბუსი