150 000 ლარიანი თანადაფინანსების გრანტები სტარტაპებისთვის
პროგრამის მიზანი:
თანადაფინანსების გრანტების მიზანია საქართველოში, გლობალურ ბაზარზე მასშტაბირების პოტენციალის მქონე ინოვაციური და მაღალტექნოლოგიური პროდუქტების და მომსახურების შექმნის სტიმულირება.
პროგრამის მოკლე აღწერა:
საგრანტო პროგრამაში მონაწილეობის მიღება შეუძლია საქართველოს მეწარმეთა შესახებ კანონის შესაბამისად, მეწარმეთა და არასამეწარმეო (არაკომრეციულ) იურიდიულ პირთა რეესტრში რეგისტრირებულ მეწარმე სუბიექტს ან რეგისტრაციის არმქონე ფიზიკურ პირს ან ფიზიკურ პირთა ჯგუფს. რეგისტრაციის არმქონე ფიზიკური პირების შერჩევის შემთხვევაში მათი დარეგისტრირება მოხდება დაფინანსების გაცემამდე პერიოდში.
თანადაფინანსების გრანტების პროგრამის ფარგლებში გაცემული დაფინანსება განკუთვნილია მაქსიმუმ 9 თვიანი, ინოვაციური და მაღალტექნოლოგიური პროექტებისათვის და არ უნდა აღემატებოდეს 150’000 ლარს. მოთხოვნილი გრანტის მინიმუმ 10 პროცენტი განმცხადებლის მიერ ფულადი ფორმით უნდა იქნას უზრუნველყოფილი.
პროგრამის სამიზნე ჯგუფი და გეოგრაფიული არეალი:
ინოვაციურ მოწყობილობასა ან/და პროგრამებზე მომუშავე ფიზიკური პირი ან მეწარმე სუბიექტი.
პროგრამა ხორციელდება ქვეყნის მასშტაბით
პროგრამაში მონაწილეობის კრიტერიუმები:
- ინოვაციური პროდუქტი/სერვისი;
- ბაზრის შესაძლებლობები
- დამფუძნებლები
პროგრამის განხორციელების ვადები:
პროგრამის ფარგლებში განაცხადის წარდგენის ბოლო ვადაა 02 აპრილი 2025 23:59 სთ.
