საკრედიტო საგარანტიო სქემა
პროგრამის მიზანი:
ფინანსებზე წვდომის გაუმჯობესება იმ მცირე და საშუალო ბიზნესებისთვის, რომელთაც არ აქვთ შესაძლებლობა, დააკმაყოფილონ სესხის უზრუნველყოფაზე არსებული მოთხოვნები.
პროგრამის მოკლე აღწერა:
პროგრამის ფარგლებში სააგენტო, უზრუნველყოფს კომერციული ბანკების/მიკროსაფინანსო ორგანიზაციების მიერ პროგრამის ფარგლებში გაცემული სესხებიდან გამომდინარე კომერციული ბანკ(ებ)ის/მიკროსაფინანსო ორგანიზაციების ფინანსური რისკის გადანაწილებას. კერძოდ, საკრედიტო გარანტია გაიცემა თითოეულ გაცემულ სესხზე, ძირი თანხის არაუმეტეს 80%-ის ოდენობით.
- კომერციული ბანკის შემთხვევაში, სესხის მინიმალური მოცულობა შეადგენს 50 000 ლარს, ხოლო მაქსიმალური 5 000 000 ლარს;
- მიკროსაფინანსო ორგანიზაციის შემთხვევაში, სესხის მინიმალური მოცულობა შეადგენს 20 000 ლარს, ხოლო მაქსიმალური 5 000 000 ლარს;
- საკრედიტო გარანტიის მაქსიმალური ვადა შეადგენს 10 წელს;
- სესხზე მოთხოვნილი უზრუნველყოფის ღირებულებისა და საკრედიტო გარანტიის მოცულობის ჯამის მაქსიმალური ოდენობა არ უნდა აღემატებოდეს სესხის ძირი თანხის მთლიანი მოცულობის 110% პროცენტს.
პროგრამის სამიზნე ჯგუფი და გეოგრაფიული არეალი:
„მეწარმეთა შესახებ“ საქართველოს კანონის შესაბამისად რეგისტრირებული ნებისმიერი პირი.
პროგრამა ხორციელდება საქართველოს ყველა რეგიონსა და თბილისში (მიმაგრებულ ფაილში იხილეთ გამონაკლისი სასტუმრო ინდუსტრიის ნაწილში)
პროგრამის სამიზნე ეკონომიკური საქმიანობები:
პროგრამის ფარგლებში ფინანსდება 300-ზე მეტი ეკონომიკური საქმიანობა, მათ შორის და არა მხოლოდ:
- საზღვაო თევზჭერა და აკვა კულტურა
- HoReCa ინდუსტრია (იხ. სასტუმროს მინიმალური კრიტერიუმები)
- დასაწყობება/შენახვა
- ინფორმაცია და კომუნიკაცია
- განათლება
- ხელოვნება, გართობა და დასვენება
- დამამუშავებელი მრეწველობის ფართო სპექტრი
- მეცხოველეობა და მეფრინველეობა
- პროფესიული, სამეცნიერო და ტექნიკური საქმიანობები
- კვლევები და დამუშავება
- მეცხოველეობა და მემცენარეობა
- ვაჭრობა (სესხის მიზნობრიობა - მხოლოდ საოპერაციო ხარჯების დაფინანსება)
- ჯანდაცვა და სოციალური მომსახურების საქმიანობები
- საკვებისა და სასმელის წარმოება/ მომსახურება
კონკრეტული ინფორმაციისთვის შეგიძლიათ იხილოთ საკრედიტო-საგარანტიო სქემის პრიორიტეტული საქმიანობების ჩამონათვალი.
პროგრამაში მონაწილეობის კრიტერიუმები:
პროგრამის ბენეფიციარი უნდა იყოს მეწარმე სუბიექტი, რომელიც აკმაყოფილებს „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის შესაბამისად მე-3 ან მე-4 კატეგორიის საწარმოს მოთხოვნებს, მხოლოდ შემოსავლის კომპონენტში და მისი:
- მთლიანი სასესხო ვალდებულებები პროგრამაში ჩართვის მომენტისთვის არ აღემატება 12 000 000 ლარს;
- კისრულობს ვალდებულებას, რომ უზრუნველყოს სამეურნეო/ადმინისტრაციულ შენობა-ნაგებობებში შშმ პირების შეუფერხებელ დაშვებას პანდუსების ან/და მსგავსი საშუალებების გამოყენებით.
პროგრამის ფარგლებში წარმოსადგენი დოკუმენტაცია:
პროგრამის ფარგლებში წარმოსადგენი დოკუმენტაცია განისაზღვრება საფინანსო ინსტიტუტების, კომერციული ბანკების ან/და მიკროსაფინანსო ორგანიზაციების მიერ.
პროგრამის განხორციელების ვადები:
მიმდინარე
მიმაგრებული ფაილები:
