მესაქონლეობის და მეფუტკრეობის სადემონსტრაციო ფერმების მოწყობა
პროგრამის მიზანი:
- სამიზნე რეგიონებში მეცხოველეობის (მერძევეობა) და მეფუტკრეობის სფეროში ჩართული მიკრო, მცირე და საშუალო ზომის ფერმერების გაძლიერება;
- მერძევეობისა და მეფუტკრეობის ღირებულებათა ჯაჭვის მხარეების პრაქტიკული უნარ-ჩვევებითა და ცოდნითა აღჭურვა;
- სურსათის უვნებლობის საქმიანობის შესაბამისობის გაუმჯობესება ვეტერინარიისა და სანიტარული/ფიტოსანიტარული ნორმების კუთხით;
- მომხმარებლების, სამოქალაქო საზოგადოების ჯგუფებისა და მედიის ცნობიერების ამაღლება სურსათის უვნებლობის მარეგულირებელის მოთხოვნებისა და მომხმარებელთა უფლებების შესახებ, მათი ყიდვის გაცნობიერებული ხელშეწყობის მიზნით.
- სოფლად სიღარიბის შემცირება სოფლის მეურნეობაში ჩართული მცირე მეწარმეების კონკურენტუნარიანობის ამაღლებისა და შემოსავლების ზრდის გზით.
პროგრამის მოკლე აღწერა:
გაზრდილი სასოფლო-სამეურნეო პრაქტიკა და მომხმარებელთა ცნობიერება (CAPCA)“ არის სამწლიანი (2023-2025) პროექტი, რომელიც დაფინანსებულია ევროკავშირის „სოფლის მეურნეობისა და სოფლის განვითარების ევროპის სამეზობლო პროგრამის“ (ENPARD – Georgia) მეოთხე ფაზის ფარგლებში (ENPARD IV) და ხორციელდება საქართველოს ფერმერთა ასოციაციის მიერ, საქართველოს სტრატეგიული კვლევებისა და განვითარების ცენტრთან (CSRDG) და საქართველოს მთიანი რეგიონების ამბროლაურის რაიონის ფერმერ-მეფუტკრეთა ასოციაციასთან თანამშრომლობით. საგრანტო პროექტის კონკურსის საფუძველზე საქართველოს ფერმერთა ასოციაცია (GFA), შეარჩევს 8 ფერმას (თითო სადემონსტრაციო ფერმა თითო რეგიონში თითო მიმართულებით – 4 ფერმა მესაქონლეობა (მერძევეობა); 4 ფერმა (მეფუტკრეობა) პროექტის სამიზნე რეგიონებიდან კახეთი, იმერეთი, გურია, რაჭა-ლეჩხუმი და ქვემო სვანეთი, რომლებიც დაინტერესებული არიან არსებული ფერმერული მეურნეობის განვითარებით.
პროგრამაში მონაწილეობის კრიტერიუმები:
- ბენეფიციარი უნდა იყოს საქართველოს სრულწლოვან მოქალაქე, რომელიც არ არის საჯარო მოხელე და სახელმწიფოს წინაშე არ გააჩნია რამე სახის დავალიანება;
- დაფინანსების შემთხვევაში, ბენეფიციარი ვალდებულებას იღებს საქართველოს ფერმერთა ასოციაციას (GFA) დაუთმოს საკუთარი ფერმა პრაქტიკული ტრენინგების ჩატარების მიზნით;
- საგრანტო კონკურსში გამარჯვების შემთხვევაში ბენეფიციარი ვალდებულებას იღებს თანამონაწილეობის თანხა (მოთხოვნილი დაფინანსების მინიმუმ 30%), ჩარიცხოს საქართველოს ფერმერთა ასოციაციის ანგარიშზე (GFA), საგრანტო ხელშეკრულების გაფორმების ეტაპზე გადასვლის შემთხვევაში არაუგვიანეს 2 კვირის ვადაში;
- ბიზნესის განხორციელების ადგილი უნდა მდებარეობდეს პროექტის სამიზნე ერთ-ერთ რეგიონში (კახეთი, იმერეთი, გურია, რაჭა-ლეჩხუმი და ქვემო სვანეთი).
პროგრამის ფარგლებში წარმოსადგენი დოკუმენტაცია:
პირველ ეტაპზე განმცხადებლის მიერ წარმოსადგენი დოკუმენტაცია:
- სრულყოფილად შევსებული ბიზნეს გეგმის სააპლიკაციო ფორმა, რომელიც უნდა იყოს განმცხადებლის მიერ ხელმოწერილი და დასკანერებული PDF ფორმატში. (გთხოვთ გაითვალისწინოთ, რომ ხელით შევსებული განაცხადები არ მიიღება და შევსებისას გამოიყენოთ მხოლოდ ქართული სიმბოლოები).
- განაცხადს თან უნდა ერთოდეს ბიზნესის განხორციელების ადგილიდან ფოტო მასალა, რომელიც კომისიას საშუალებას მისცემს ნათელი წარმოდგენა შეიქმნას ბიზნესის მდგომარეობის და/ან მისი განვითარების პოტენციალის შესახებ. ფოტო მასალის გარეშე განაცხადი არ განიხილება.
მიმაგრებული ფაილები:
