ინოვაციების გრანტები რეგიონებისთვის
პროგრამის მიზანი:
პროგრამის მიზანია ხელი შეუწყოს საქართველოს რეგიონებში:
- ადგილობრივი ინოვაციური და ტექნოლოგიური ეკოსისტემის გაძლიერებას;
- ინოვაციური პროდუქტების, მომსახურების, ტექნოლოგიებისა და პროცესების შემუშავება-ათვისებასა და კომერციალიზაციის გზით ინოვაციური და ტექნოლოგიური სტარტაპების შექმნას.
პროგრამის მოკლე აღწერა:
საგრანტო პროგრამის მიზანია, ხელი შეუწყოს საქართველოს რეგიონებში ადგილობრივი ინოვაციური და ტექნოლოგიური ეკოსისტემის გაძლიერებას; ინოვაციური პროდუქტების, მომსახურების, ტექნოლოგიებისა და პროცესების შემუშავება - ათვისებისა და კომერციალიზაციის გზით ინოვაციური და ტექნოლოგიური სტარტაპების შექმნას.
პროგრამის ფარგლებში გრანტის მიმღებზე ხელშეკრულების დადების შემდეგ ავანსის სახით გაიცემა პროექტის ბიუჯეტის 90 %, დარჩენილი 10 % გრანტის მიმღებმა საკუთარი სახსრებით უნდა გახარჯოს პროექტის ვადის დასრულებამდე. აღნიშნული 10% გრანტის მიმღებს აუნაზღაურდება წარმოდგენილი ფინანსური და პროგრამული ანგარიშების შ ემოწმების შემდგომ, მხოლოდ დადებითი დასკვნის შემთხვევაში.
პროგრამის ფარგლებში დაფონანსების მოცულობა განისაზღვრება 25 000 ლარამდე.
საბიუჯეტო წლის განმავლობაში ერთი და იმავე განმცხადებელი უფლებამოსილია დაფინანსება მიიღოს მხოლოდ ერთი პროექტისათვის არაუმეტს 25 000 ლარის ოდენობით.
პროგრამის სამიზნე ჯგუფი და გეოგრაფიული არეალი:
ინოვაციურ მოწყობილობასა ან/და პროგრამებზე მომუშავე ფიზიკური პირი ან მეწარმე სუბიექტი, რეგისტრირებული შესაბამის რეგიონში, ან აპირებს ეკონომიკური საქმიანობის განხორციელებას შესაბამის რეგიონში;
საქართველოს რეგიონები : კახეთი, ქვემო ქართლი
პროგრამაში მონაწილეობის კრიტერიუმები:
- დამფუძნებლების კომპეტენციები;
- ინოვაციური პროდუქტი/სერვისი;
- სამიზნე ბაზარი/კონკურენტული უპირატესობა;
- რეგიონის განვითარება და მასშტაბირების პოტენციალი;
პროგრამის ფარგლებში წარმოსადგენი დოკუმენტაცია:
- პირადობის მოწმობის ასლი
- განმცხადებლის რეზიუმე (CV)
- გუნდის წევრების რეზიუმეები (CV-ები)
- ამონაწერი სამეწარმეო რეესტრიდან
- თექვსმეტიდან თვრამეტ წლამდე არასრულწლოვანი განმცხადებლის შემთხვევაში, განაცხადს ასევე უნდა ერთვოდეს საქართველოს კანონმდებლობის შესაბამისად კანონიერი წარმომადგენლის მიერ გაცემული ნებართვა.
პროგრამის განხორციელების ვადები:
აპლიკაციების მიღების ბოლო ვადაა : 30 ოქტომბერი 2024 (23:59)
