• მუნიციპალიტეტებში ახალი გადამამუშავებელი საწარმოების შექმნა;
• ახალი ენერგოეფექტური ღუმელების საწარმოს შექმნა ან არსებული ენერგოეფექტური ღუმელების საწარმოს გაფართოება/მოდერნიზება;
• გადამამუშავებელი საწარმოების გეოგრაფიული დივერსიფიკაცია;
• სასოფლო-სამეურნეო კოოპერატივების შექმნის წინაპირობების გაუმჯობესება;
• სანედლეულო ბაზის განვითარება;
• სოფლის მოსახლეობის შემოსავლების ზრდა.

პროგრამა ითვალისწინებს ახალი გადამამუშავებელი საწარმოების შექმნას. პროგრამის ფარგლებში თანადაფინანსება განისაზღვრება პროექტის ჯამური ღირებულების არაუმეტეს 30%, მაგრამ არაუმეტეს 350,000 ლარს. წარმოდგენილი პროექტის ჯამური ღირებულება უნდა შეადგენდეს არანაკლებ 250,000 ლარს.

პროექტები, რომლებიც განხორციელდება მაღალმთიანი დასახლებებისა და გამყოფი ხაზის მიმდებარე სოფლებში ან რომელსაც განახორციელებს სასოფლო-სამეურნეო სტატუსის მქონე კოოპერატივი, თანადაფინანსება განისაზღვრება პროექტის ჯამური ღირებულების არაუმეტეს 40%-ით, არაუმეტეს 350,000 ლარი.

თანადაფინანსება არ გამოიყენება:

• საწარმოს საბრუნავი სახსრების, მათ შორის, საოპერაციო ხარჯების დასაფინანსებლად;
• მიწის ნაკვეთის შესაძენად;
• შენობა-ნაგებობების შესაძენად, გარდა იმ შემთხვევებისა, როცა შეძენა ხორციელდება სსიპ – სახელმწიფო ქონების ეროვნული სააგენტოსაგან, მუნიციპალიტეტებისაგან, აჭარის ავტონომიური რესპუბლიკის აღმასრულებელი ხელისუფლების შესაბამისი ორგანოსაგან, სახელმწიფო ან მასთან აფილირებული საწარმოებისაგან.

საქართველოს ყველა მუნიციპალიტეტი, გარდა შემდეგი თვითმმართველი ქალაქებისა: თბილისი, რუსთავი, ქუთაისი, ბათუმი და ფოთი.

ენერგოეფექტური ღუმელების საწარმოების შექმნა/მოდერნიზება/გაფართოება დაფინანსდება საქართველოს ყველა მუნიციპალიტეტსა და თვითმმართველ ქალაქში

კომპონენტის ითვალისწინებს შემდეგი სახის გადამამუშავებელი საწარმოების თანადაფინანსებას :

• ხორცის გადამუშავება, ხორცპროდუქტების (მათ შორის, „შებოლილი“) წარმოება;
• რძის გადამუშავება, რძის პროდუქტების წარმოება (გარდა ძროხის რძის გადამუშავებისა);
• ხილის, კენკროვნების, ბოსტნეულის, ციტრუსის გადამუშავება;
• კაკლის, მიწის თხილისა და სხვა კაკლოვანი კულტურების (გარდა თხილისა) გადამუშავება;
• მატყლის, ტყავის გადამუშავება;
• დაფნის, ჩაის, თამბაქოს გადამუშავება;
• ეთერზეთებისა და სუნელების წარმოება;
• ცხოველების, ფრინველებისა და თევზის საკვების წარმოება (კომბინირებული საკვების წარმოება);
• მარცვლეულის გადამუშავება (გარდა ხორბლის ფქვილის წარმოებისა);
• თაფლისა და მეფუტკრეობის სხვა პროდუქციის გადამუშავება;
• ზღვისა და მტკნარი წყლის პროდუქტებისა და ლოკოკინის გადამუშავება;
• ღვინის, სპირტისა და ალკოჰოლიანი სასმელების წარმოება (გარდა კახეთის რეგიონში ღვინის წარმოებისა);
• ბრიკეტების, პელეტების წარმოება, ასევე მათგან და ხე-ტყის (აგრეთვე დაფნის ნარჩენებისგან) ნახშირის წარმოება

მიზნობრივი ბენეფიციარები უნდა აკმაყოფილებდნენ შემდეგ კრიტერიუმებს:

• ბენეფიციარი უნდა იყოს საქართველოში რეგისტრირებული მეწარმე იურიდიული პირი (გარდა სახელმწიფო/მუნიციპალური საწარმოსი);
• პოტენციურ ბენეფიციარს უნდა ჰქონდეს ბიზნესის წარმოების სათანადო ცოდნა და გამოცდილება;
• პოტენციური ბენეფიციარის მიერ ელექტრონულად წარდგენილი განაცხადი უნდა შეესაბამებოდეს თანადაფინანსების პროექტის პირობებს.
• პოტენციური ბენეფიციარის მიერ წარდგენილი პროექტი უნდა ითვალისწინებდეს ახალი გადამამუშავებელი საწარმოს შექმნას, ხოლო ენერგო-ეფექტური ღუმელების წარმოების შემთხვევაში ახალი საწარმოს შექმნას ან არსებული საწარმოს მოდერნიზებას/გაფართოებას ან არსებული საწარმოს რეაბილიტაციას;
• პოტენციური ბენეფიციარის მიერ წარდგენილი პროექტი გათვლილი უნდა იყოს ადგილობრივი ნედლეულის გადამუშავებასა და ადგილობრივი შრომითი რესურსების გამოყენებაზე, გარდა ენერგო-ეფექტური ღუმელების წარმოების შემთხვევაში.
• თანადაფინანსების პროექტის ფარგლებში სააგენტოს მიერ დაფინანსდება იურიდიული პირის მიერ წარდგენილი არაუმეტეს ერთი ბიზნეს-გეგმა.
• ბენეფიციარის მიერ მოთხოვნილი დაფინანსების მოცულობა უნდა შეესაბამებოდეს პროგრამით დადგენილ საზღვრებს;
• შექმნილი საწარმო უნდა აკმაყოფილებდეს სურსათის უვნებლობის მართვის საერთაშორისო სისტემებსა და სტანდარტებს.

1. განმცხადებლის პირადობის დამადასტურებელი დოკუმენტის ასლი ან/და კომპანიის დირექტორის პირადობის დამადასტურებელი დოკუმენტის ასლი (იურიდიული პირის შემთხვევაში); ამონაწერი მეწარმეთა და არასამეწარმეო (არაკომერციული) იურიდიული პირების რეესტრიდან (იურიდიული პირის შემთხვევაი)
2. მომსახურების ინვოისი ან/და ხელშეკრულება ქართულ ენაზე, რომელიც აუცილებელი წესით უნდა მოიცავდეს შემდეგ ინფორმაციას:

• მხარეთა რეკვიზიტები;
• მომსახურების დასახელება;
• ჯამური ღირებულება და ვალუტა;
• გადახდის დამადასტურებელი დოკუმენტი (არსებობის შემთხვევაში);
• პოტენციური ბენეფიციარის საბანკო რეკვიზიტები;
• სააგენტოს მიერ მოთხოვნილი სხვა დოკუმენტ(ებ)ი

განაცხადების მიღება: 2025 წლის 29 აპრილის 12:00- დან 13 მაისის 18:00 სთ-მდე